काठमाडाैं । बुधबार पनि सेयर बजार ओरालो लागेको छ । नेपाल स्टक एक्सेञ्जका अनुसार आज नेप्से ७.२१ अंकले घटेर २१३०.७१ विन्दुमा झरेको छ । आज सेन्सेटिभ इण्डेक्स १.१७ अंकले घटेर ४१४.४७ विन्दुमा पुगेको छ ।

आज २२७ कम्पनीको ३ लाख २० हजार ६७ सेयर कित्ता सेयर खरिद बिक्री हुँदा १ अर्ब ७ करोड ८४ लाख ८४ हजार १८२ रुपैयाँ बराबरको कारोबार भएको छ । बुधबार कारोबारमा आएका १३ उपसमूहमध्ये ३ उपसमूहको परिसूचक बढेको छ भने बाँकीको ओरालो लागेको छ ।

आज बढ्ने उपसमूहमहरुमा विकास बैंक, जलविद्युत र वित्तको १ प्रतिशतभन्दा कम अंकले बढेको छ । बुधबार ओरालो लाग्ने उपसमूहरुमा नीर्जीवन बीमा कम्पनीको सबैभन्दा धेरै १.७५ प्रतिशतले सेयरमूल्य घटेको छ । त्यस्तै जीवन बीमा कम्पनीको १.५ प्रतिशतले घटेको छ । बाँकी उपसमूह १ प्रतिशत भन्दा कमले घटेको छ ।
नेप्से घटेपनि आज मैलुङ खोला जलविद्युत कम्पनीको सेयरमा सकारात्मक सर्किट लेभलमा कारोबार भएको छ ।

यस दिन कम्पनीको शेयरमूल्य यस १० प्रतिशत बढेको छ । त्यस्तै बलेफी हाइड्रोपावरको सेयरमूल्य ९.९४ प्रतिशत बढेको छ । आज शिखर इन्स्योरेन्सको सेयरमा नकारात्मक सर्किट लेभलमा कारोबार भएको छ । सो बैंकको सेयरमूल्य १० प्रतिशतले घटेको छ ।

कारोबार रकमका आधारमा आज नेपाल नेपाल इन्भेष्टमेन्ट बैंकको सबैभन्दा धेरै १२ करोड १३ लाख ७३ हजार रुपैयाँ बराबरको सेयर कारोबार भएको छ । त्यसैगरी हिमालयन डिष्टिलरीको ४ करोड ६८ लाख १० हजार रुपैयाँ बराबरको कारोबार भएको छ ।