रूपन्देहीमा बस दुर्घटना, ९ जनाको मृत्यु

‘नेशनल बेस्ट प्रेजेन्टेड एनुअल रिपोर्ट-२०२५’ गोल्ड अवार्डबाट नेपाल लाइफ इन्स्योरेन्स सम्मानित

नेपालवाच २०७९ जेठ २२ गते ७:२१

काठमाडौं । रूपन्देहीको रोहिणी गाउँपालिकामा आइतबार बिहान बस दुर्घटना हुँदा ९ जनाको मृत्यु भएको छ ।

जनकपुरबाट भैरहवातर्फ गइरहेको लु २ ख ३८४१ नम्बरको बस आइतबार बिहान परासी–भैरहवा सडक खण्डअन्तर्गत रोहिणी पुलबाट खसेर दुर्घटना भएको हो ।

दुर्घटनामा घाइते ३२ मध्ये ९ जनाको उपचारका क्रममा मृत्यु भएको जिल्ला प्रहरी कार्यालय, रूपन्देहीले जनाएको छ । ज्यान गुमाउनेमा ८ पुरुष र एक महिला भए पनि सनाखत हुन बाँकी छ ।

घाइतेहरूको भैरहवाको भीम अस्पताल र मेडिकल कलेजमा उपचार भइरहेको छ ।

दुर्घटनाको कारण नखुलेको र अनुसन्धान भइरहेको प्रहरीले जनाएको छ ।