चलचित्र निर्देशक रेशराज आचार्यको ६४ वर्षको उमेरमा निधन

नेपालवाच २०७८ फागुन ५ गते १६:०४

काठमाडौं । चलचित्र निर्देशक रेशराज आचार्यको निधन भएको छ । उनको बुधबार राति ६४ वर्षको उमेरमा निधन भएको हो ।

ह्दयघातका कारण काठामाडाैंको ओम अस्तपतालमा उनको निधन भएको चलचित्र निर्देशक समाजले जनाएको छ । स्रोतका अनुसार उनी करिब एक वर्षदेखि बिरामी हुँदै आएका थिए ।

उनले चलचित्र ‘तिलहरी’बाट निर्देशनको यात्रा सरू गरेका थिए । उनले टुहुरो, माटो बोल्छ, बन्धन, आमा, मन मुटु र माया, मायाको साइनो, भाग्यले जुरायो, नगद नारायण, धर्मसंकट लगायतका चलचित्र निर्देशन गरेका थिए ।

आचार्यका श्रीमती र एक छोरा छन् । उनी काठमाडौंको कोटेश्वरमा बस्दै आएका थिए ।