काठमाडौं । अमेरिकी सहयोग परियोजना एमसिसीबारे सहमति जुट्न नसकेपछि सत्ता गठबन्धनको बैठक निष्कर्णविहीन टुंगिएको छ ।

सहमति खोज्न भनेर प्रधानमन्त्री निवास बालुवाटारमा बसेको सत्तारुढ चार दलका शीर्ष नेताहरूको बैठक विनानिष्कर्ष टुंगिएको हो ।

बैठकमा प्रधानमन्त्री शेरबहादुर देउवाले भोलि शुक्रबार संसद्मा एमसिसी टेबुल गर्ने प्रस्ताव गरेको सूचना तथा सञ्चार प्रविधिमन्त्री ज्ञानेन्द्रबहादुर कार्कीले बताए । बैठकपछि पत्रकारसँग कुरा गर्दै उनले प्रधानमन्त्रीको सोही प्रस्तावको सेरोफेरोमा छलफल भएको जानकारी दिए ।

उनका अनुसार बैठकमा प्रधानमन्त्री देउवाले अमेरिकाले दिएको मिति फागुन १६ (फेब्रअरी २८) सम्ममा एमसिसी पारित गर्नुपर्ने प्रस्ताव राखेका थिए ।

तर माओवादी केन्द्रले संसदको अवरोध हट्नुपर्ने पुरानै अडान दोहो¥याएको बताइएको छ ।