काठमाडौं । अमेरिकी स्टेट पार्टनरसिप प्रोग्राम (एसपीपी) सम्झौताबारे छलफल गर्न संसदको अन्तर्राष्ट्रिय सम्बन्ध समितिले बोलाएको बैठकमा प्रधानमन्त्री शेरबहादुर देउवा अनुपस्थित भएका छन् ।

प्रधानमन्त्रीको आसन्न अमेरिका भ्रमण, परराष्ट्र नीति कार्यान्वयन र एसपीपी सम्झौताबारे छलफल गर्न समितिले रक्षा मन्त्रालयको समेत जिम्मेवारी लिएका प्रधानमन्त्री देउवालाई आइतबार बैठकमा बोलाएको थियो ।

कार्यव्यस्ताका कारण प्रधानमन्त्री आजको बैठकमा आउन नभ्याउने प्रधानमन्त्रीका सचिवालयले जानकारी दिएको समितिका सभापति पवित्रा खरेल निरौलाले बताइन् ।

एसपीपीबारे छलफल गर्न गत शुक्रबार बोलाइएको बैठकमा समेत प्रधानन्त्री देउवा अनुपस्थित रहेका थिए ।