काठमाडौं । ठगी गरेको आरोपमा पुर्पक्षका लागि थुनामा रहेका व्यवसायी तथा पूर्वसांसद इच्छाराज तामाङलाई छुटाउन वकिल र न्यायाधीशबीच मोल–मोलाइ भएको अडियो बाहिरिएपछि आरोपित न्यायाधीश राजकुमार कोइरालाले मुख खेलेका छन् ।

बुधबार सामाजिक सञ्जाल फेसबुकमार्फत समचारको खण्डन गरेका हुन् । जिल्ला अदालत काठमाडौंमा कार्यरत कोइरालाले आफूबाट अनुचित कार्य नभएको र विभिन्न प्रभाव र दबाबका बाबजुद निष्पक्ष भूमिका निर्वाह गरेको दाबी गरेका छन् ।

‘मबारे आज आएको समाचार प्रति मेरो ध्यानाकर्षण भएको छ । मबाट कुनै अनुचित कार्य भएको छैन ।विभिन्न प्रभाव र दबाबका बावजुद निष्पक्ष भुमिका निर्वाह गरेको छु’, न्यायाधीश कोइरालाले भने, ‘ममाथि न्याय परिषदबाट छानबीन होस् तथा सहयोग गर्ने पूर्ण प्रतिवद्धता व्यक्त गर्दछु ।

तामाङलाई छुटाउनका लागि वि सं २०७८ पुसमा वकिल र न्यायाधीशबीच भएको उक्त संवाद न्यूज २४ को ‘सिधा कुरा जनतासँग‘ले सार्वजनिक गरेको थियो । यसै विषयम छानबिन गर्न का.मु. प्रधानन्यायाधीश दीपक कुमार कार्कीले न्यायपरिषदको आकास्मिक बैठक बोलाएका छन् ।

https://www.facebook.com/rajkumarko/posts/pfbid02YTYGfGifAFaTLJgXACwreYZWP3xK29pq6PDKTKJriuJe55ZzRUTUcH2wCdCg8LkCl?__cft__[0]=AZXiSUCiquUz-KMreuViGD65hE0KB6v_VtVln6RAFkDRWVNwhl5miuRlLkfBcJaQrRdZlwylYC3SHy-YTojapwlhsWw456wga2-SWADO76zXgTApKHmC1Z58axNwMmI4r6smQd6qtzHsrMu1_UvPx1rb&__tn__=%2CO%2CP-R

इच्छाराजलाई छुटाउन वकिलमार्फत न्यायाधीश राजकुमारलाई दुई करोड घुस !