काठमाडौं । नेपालमा उडानमा रहेका हेलिकप्टरमध्ये १८ वटालाई काठमाडौंबाहिर स्थानान्तरण गरिने भएको छ । हाल नेपालभर उडिरहेका १२ वटा निजी कम्पनीका ३९ हेलिकप्टरमध्ये पार्किङ अभावका कारण १८ वटालाई राजधानीबाहिर सार्न लागिएको हो ।

यसअघि हेलिकप्टर व्यवसायी र त्रिभुवन अन्तर्राष्ट्रिय विमानस्थल व्यवस्थापकबीच भएको छलफलमा काठमाडौंमा २१ वटा हेलिकप्टरमात्रै पार्किङ गर्न सकिने भएकाले बाँकीलाई बाहिर सार्ने भएको विमानस्थलको आन्तरिक टर्मिनलले जनाएको छ ।

पार्किङ अभावले उडान सुरक्षामा समस्या हुने भएपछि पर्यटन मन्त्रालयले स्तान्तरणलाई कडाइ गर्न प्राधिकरणलाई निर्देश गरेको थियो ।

यसैअनुसार १८ वटा हेलिकप्टरलाई लुक्ला, पोखरा, रामेछाप, नेपालगन्जलगायतका पायक पर्ने र बेस अनुमति भएका विमानस्थलमा सार्न प्राधिकरणले कडाइ गरेको छ ।