काठमाडौं । नेकपा माओवादी केन्द्रका नेता वर्षमान पुनले जनार्दन शर्माले अर्थमन्त्रीबाट राजीनामा दिएपछि प्रतिक्रिया दिँदै उनले छानबिनपछि निर्दोष साबित भएर पुनः शर्मा नै अर्थमन्त्री बन्ने बताएका छन् ।

शर्माले बुधबार राजीनामा दिएसँगै माओवादी वा कांग्रेसबाट कसैलाई मन्त्रालयको जिम्मेवारी तोकिन सक्ने अपेक्षा गरिएको बेला उनले तत्काल कोही पनि अर्थमन्त्री नहुने प्रतिक्रिया दिएका हुन् ।

बुधबार संसद बैठकपछि पुनले यस्तो प्रतिक्रिया दिएका हुन् ।

शर्माले उच्च नैतिकता देखाएर पदबाट राजीनामा दिएको पनि पुनले बताए । उनले शर्माको कारबाहीको माग गरेको भन्दै प्रमुख प्रतिपक्ष दलका नेताप्रति आपत्ति जनाएका थिए ।