चट्याङ लागेर चितवनमा १४ रोपार घाइते

प्रस्तावित प्रमुख निर्वाचन आयुक्त र आयुक्तहरूको संसदीय सुनुवाइ साउन १२ र १३ गते हुने

चट्याङ लागेर चितवनमा १४ रोपार घाइते — फाइल तस्बिर

नेपालवाच २०७९ असार २३ गते ७:२०

चितवन । जिल्लाको कालिका नगरपालिकामा धान रोप्न गएका १४ रोपार चट्याङ लागेर घाइते भएका छन् ।

कालिका–८ मझुवास्थित कमला विकको खेतमा बुधबार धान रोपाइँ गरिरहेको अवस्थामा पानी परेपछि उनीहरु स्थानीय जन्तरी प्रजाको घरमा ओत लाग्न गएका थिए । सोही क्रममा हुरी, बतास र पानीसँगै परेको चट्याङले रोपार घाइते भएको जिल्ला प्रहरी कार्यालयले जनाएको छ ।

घाइतेमध्ये पाँच जनाको भरतपुर अस्पतालमा उपचार भइरहेको छ । अन्य नौ जना गएराति नै उपचारपछि घर फर्किएको प्रहरीले जनाएको छ । घाइते पाँच जनाको अवस्था खतरामुक्त रहेको छ ।

बुधबार साँझ ६ बजेको समयमा चट्याङ परेको बताइएको छ ।