काठमाडौं । प्रतिनिधिसभाको उपसभामुखको निर्वाचनका लागि आज मनोनयन दर्ता हुने भएको छ । लामो समयदेखि रिक्त उपसभामुख चयनका लागि संसद् सचिवालयले बुधबार सूचना जारी गर्दै प्रक्रिया थालेको छ ।

संसद् सचिवालयले जारी गरेको निर्वाचन कार्यतालिकाअनुसार, बिहीबार बिहान ११ बजेदेखि दिउँसो १ बजेसम्म उम्मेदवारको मनोनयन दर्ताका लागि समय दिइएको छ । मनोनयन सकिएपछि आजै उम्मेदवारको सूची प्रकाशन गरिनेछ । निर्वाचन भने शुक्रबार दिउँसो ३ बजेका लागि तय छ ।

तत्कालीन उपसभामुख शिवमाया तुबाहाम्फेलाई तत्कालीन नेकपाले भागण्डा मिलाउन राजीनामा गराएपछि यो पद रिक्त छ । सत्तासाझेदार दलले संयुक्त उम्मेदवार अघि सार्ने तयारी गरेकाले एमालेले उम्मेदवारी दिएको खण्डमा यी दुई पक्षबीच प्रतिस्पर्धा हुनेछ ।

तत्कालीन उपसभामुख शिवमाया तुमबाहाम्फेले राजीनामा दिएपछि करिब तीन वर्षदेखि यो पद रिक्त रहेको छ ।