काठमाडौं । सर्वोच्च अदालतले अर्थ मन्त्रालयको विवादित सिसिटिभी प्रकरणमा मुछिएका दुई सचिवलाई जिम्मेवारीबाट हटाउने आदेश दिन अस्वीकार गरेको छ ।

न्यायाधीश कुमार रेग्मीको इजलासले अर्थ मन्त्रालयका सचिवद्वय मधुकुमार मरासिनी र कृष्णहरि पुस्करलाई जिम्मेवारीबाट हटाउने आदेश दिन अस्वीकार गरेको हो ।

अधिवक्ताहरू सरोजकृष्ण घिमिरे र बाबुराम अर्याल लगायतले सिसिटिभी फुटेज सुरक्षित राख्न र सचिवद्वयलाई जिम्मेवारीबाट हटाउन माग गरेका थिए । त्यसको सुनुवाइ गर्दै सर्वोच्चले आज अन्तरिम आदेश दिन अस्वीकार गरेको हो ।

सो प्रकरणमा मुछिएपछि जनार्दन शर्माले भने अर्थमन्त्रीबाट राजनीनामा दिइसकेका छन् ।