काठमाडौं । पछिल्लो २४ घण्टामा ६ हजार ६०४ पिसिआर परीक्षण गर्दा २९९ जना र २ हजार ८२० जनाम एन्टिजेन परीक्षण गर्दा १७७ जना गरी कुफ ४७६ जनामा कोरोना संक्रमण पुष्टि भएको छ ।

यससँगै नेपालमा कोरोना संक्रमितको संख्या पिसिआर परीक्षणमात्रै ९ लाख ७५ हजार ८०६ जना पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार आज ८३१ जना कोरोनामुक्त भएका छन् । यससँगै नेपालमा हालसम्म कोरोनामुक्त हुनेको संख्या ९ लाख ५३ हजार ४३० जना पुगेको छ ।

आज कोरोनाबाट थप ३ जनाको मृत्यु भएसँगै नेपालमा कोरोनाबाट हालसम्म ११ हजार ९२८ जनाले ज्यान गुमाएका छन् ।

मन्त्रालयका अनुसार हाल देशभर कोरोनाका सक्रिय संक्रमितको संख्या १० हजार ७४७ जना रहेका छन् ।