हेटौंडा । वाग्मती प्रदेशको राजधानी हेटौंडामा नेपाल प्रेस युनियनको नवौं महाधिवेशन शुक्रबारदेखि सुरू भएको छ ।

प्रधानमन्त्रीसमेत रहेका कांग्रेस सभापति शेरबादुर देउवाले महाधिवेशन उद्घाटन गरेका हुन् । दुई दिनसम्म चल्ने महाधिवेशनले नयाँ नेतृत्व चयन गर्नेछ ।

उम्मेदवारहरूको मनोनय दरखास्तको लागि निर्वाचन समितिले चर्को शुल्क तोकेको छ । समितिका संयोजक एकराज पोखरेलले जारी गरेको सूचना अनुसार अध्यक्षको उम्मेदवार बन्नका लागि ३० हजार दस्तुर तोकेको छ ।

त्यस्तै वरिष्ठ उपाध्यक्षका लागि २५ हजार, उपाध्यक्षका लागि २० हजार र महासचिवका लागि २५ हजार दस्तुर बुझाउनु पर्नेछ ।

त्यस्तै उप-मसचिव र सचिव पदका लागि २० हजार दस्तुर तोकिएको छ । केन्द्रीय सदस्यका लागि १५ हजार शुल्क तोकिएको छ ।

कांगेसको १४ औं महाधिवेशन सभापतिका लागि ३० हजार रूपैयाँ शुल्क, उपसभापति र महामन्त्रीका लागि २५ हजार, सहमहामन्त्रीका लागि २० हजार, केन्द्रीय सदस्यको लागि १० हजार रूपैयाँ शुल्क तोकिएको थियो ।