काठमाडौं । विश्व क्लब फुटबलका दुई महारथीको इएल क्लासिकोमा बार्सिलोनाले बाजी मारेको छ । क्लबको मैत्रीपूर्ण खेलमा बार्सिलोनाले रियल म्याड्रिडविरुद्ध १–० गोल अन्तरको जित निकालेको हो ।

अमेरिकामा भएको प्रतियोगितामा राफिन्हाले २७ औं मिनेटमा गरेको गोल नै निर्णायक हुन पुग्यो । खेलमा बार्सिलोनाले ६ अनटार्गेट प्रहार गर्दा रियलले एउटा पनि अनटार्गेट सट प्रहार गर्न सकेन ।

बार्सिलोनाको लागि क्लबमा भित्रिएका राफिन्हाको गोल नै अन्ततः निर्णायक हुन पुग्यो । क्लबमा भित्रिएका रोबर्ट लेवान्डोस्कीले भने गोल गर्न सकेनन् । केहीमा केहीबेर खेलाडीबीच तनावको स्थिति पनि उत्पन्न भएको थियो । बार्सिलोनाले १८ फउल खेल्दा ४ पहेंलो कार्ड पाएको थियो ।