काठमाडौं । कुनैबेला देश नै टुक्र्याउने मुद्दामा लागेका थिए डा. सिके राउत । सो बेला उनले तराईलाई अलग्गै देश बनाउन हिंसात्मक आन्दोलन गर्नेसमेत चेतावनी दिने गरेका थिए ।

तर, राउत ०७५ मा हिंसाको बाटो त्यागेर शान्ति पक्रियामा आए ।

तत्कालीन प्रधानमन्त्री केपी शर्मा ओलीसँग शान्ति सम्झौता गरेका राउतले त्यसपछि जनमत पार्टी गठन गरे । स्थानीय निर्वाचनमा पनि सहभागी भए ।

उनै राउत अहिले थप शान्ति खोज्दै काठमाडौंको उत्तर–पश्चिम क्षेत्रमा पर्ने ओशो तपोवन पुगेका छन् । त्यहाँ उनले नौ दिनसम्म ध्यान तथा तप गरेको उनीनिकट स्रोतले जनाएको छ ।

राउतले भोजन गरेपछि भाँडावर्तन सफा गरिरहेको तस्बिर यतिबेला बाहिरिएको छ ।