ग्यास बुलेटको ठक्करबाट महिलाको मृत्यु

म्याक्स टाइगरको क्यान खोल्दा चम्कियो भाग्य, तिन जनाले जिते बाइक र स्कुटर !

नेपालवाच २०७९ साउन ९ गते १७:५७

चितवन । पूर्व पश्चिम राजमार्गअन्तर्गत नारायणगढको पुल्चोकमा भारतीय ग्यास बुलेटको ठक्करबाट एक महिलाको मृत्यु भएको छ । मृत्यु हुनेमा अन्दाजी ४५ वर्षीया महिला रहेको जिल्ला प्रहरी कार्यालयले चितवनले जनाएको छ ।

कार्यालयका अनुसार पुलचोकबाट गैँडाकोटतर्फ जाँदै गरेको आर जे २५ बीए २९३१ नम्बरको बुलेटले ठक्कर दिँदा ती महिलाको मृत्यु भएको हो । ठक्करबाट घाइते महिलाको उपचारका क्रममा भरतपुर अस्पतालमा मृत्यु भएको हो ।

दुर्घटना आज दिउँसो भएको प्रहरीले जनाएको छ । मृतकको शव भरतपुर अस्पतालको शव गृहमा राखिएको छ भने महिलाको पहिचान हुन सकेको छैन ।