काठमाडौं । बौद्ध भिक्षु फुर्पा साङ्मो तामाङले अभिनेत्री मिरूना मगर र फिल्म प्राविधिक पृथ्वीसिंह ठकुरीविरुद्ध काठमाडौं जिल्ला अदालतमा गाली बेइज्जती र कुटपिटसम्बन्धी मुद्दा दर्ता गराएका छन्।

फुर्वाले उजुरीमा पटक–पटक पहल गर्दा पनि अभिनेत्री मगरले माफी माग्ने सवालमा बेवास्ता गरेपछि मुद्दा दर्ता गर्न गरेका हुन् । यस्तै फिल्म प्राविधिक ठकुरीले मिरूनालाई उक्साउने काम गरेको भन्दै उनीविरूद्ध पनि कारवाही माग गरेका छन् ।

गत जेठ १५ गते काठमाडौंको सिभिल मलस्थित कबड्डी ४ फिल्मको प्रमोसनमा पुगेकी मिरूनाले आफूमाथि दुर्व्यवहार गरेको भन्दै फूर्पालाई हात हालेकी थिइन्। उनले प्रहरीमा फुर्वाको अनुचित व्यवहारविरुद्ध उजुरी दिएकी थिइन्।

उजुरी पछि तामाङ समुदायले प्रदर्शनमा आएको कबड्डी ४ को विरोध गर्दै चलचित्र रोक्न माग माग गरेका थिए। विरोध बढेपछि फुर्वालाई प्रहरी छाडेको थियो । लगत्तै जेठ १७ गते चलचित्रका कलाकार, निर्देशक र लामा गुरुहरु साक्षी राखेर दुवै पक्षबीच माफी माग्ने र दिने सहमति भएको थियो ।