काठमाडौं । कुनैबेला देश नै टुक्र्याउने मुद्दामा लागेका डा. सिके राउत सन्यासी रुप धारण गर्दै ‘आनन्द मैत्रम’ बनेका छन् ।

राउत रानीवनस्थित ओशो तपोवनमा नौ दिनसम्म पूर्णरुपमा मोबाइल अफ गरेर ध्यानमा बसे । नौ दिनको ध्यान पूरा गरेपछि उनले बुधबार सन्यास धारण गरेका हुन् ।

गैरआवासीय नेपाली संघका पूर्वअध्यक्ष भवन भट्ट, पूर्वअभिनेत्री शोभिता सिम्खडाका साथमा राउत सेतो वस्त्र, ओशोको तस्बिर रहेको माला लगाएर ‘ग्रिन टी’ पिउँदै गरेको उनको तस्बिर सार्वजनिक भएको छ ।

सन्यास धारणपछि सार्वजनिक भएको तस्बिरमा उनी निकै आनन्दित देखिएका छन् ।

साथै, उनको सचिवालयले सन्यासी बनेपछिका विभिन्न तस्बिर पनि सार्वजनिक गरेको छ ।

जसमा उनी विभिन्न देवीदेवताका मूर्तिसामु हात फैलाएर प्रार्थना गरिरहेका छन् । जहाँ उनले रातो वस्त्र लगाएका छन् ।

तर, राउत ०७५ मा हिंसाको बाटो त्यागेर शान्ति पक्रियामा आएका थिए ।

तत्कालीन प्रधानमन्त्री केपी शर्मा ओलीसँग शान्ति सम्झौता गरेका राउतले त्यसपछि जनमत पार्टी गठन गरे र स्थानीय निर्वाचनमा पनि सहभागी भए ।

सिके राउत अब ‘आनन्द मैत्रय’ !