सिके राउत अब ‘आनन्द मैत्रय’ !
काठमाडौं । कुनैबेला देश नै टुक्र्याउने मुद्दामा लागेका डा. सिके राउतले सन्यासी रुप धारण गरेका छन् । उनी आशोको सन्यासी बनेका हुन् ।
तराईलाई अलग्गै देश बनाउन हिंसात्मक आन्दोलन गर्नेसमेत उनले चेतावनी दिने गरेका थिए । यसै मुद्दामा उनी पक्राउसमेत परे ।
तर, राउत ०७५ मा हिंसाको बाटो त्यागेर शान्ति पक्रियामा आए । तत्कालीन प्रधानमन्त्री केपी शर्मा ओलीसँग शान्ति सम्झौता गरेका राउतले त्यसपछि जनमत पार्टी गठन गरे । स्थानीय निर्वाचनमा पनि सहभागी भए । यद्यपि, उनको पार्टीले जनकारवाहीजस्ता हिंसात्मक गतिविधि भने कायमै राखेको थियो ।
उनै राउत अहिले शान्ति खोज्दै काठमाडौंको ओशो तपोवन पुगेका छन् ।
राउत रानीवनस्थित ओशो तपोवनमा नौ दिनसम्म पूर्णरुपमा मोबाइल अफ गरेर ध्यानमा बसे । नौ दिन ध्यान पूरा गरेपछि उनले बुधबार सन्यास धारण गरेका हुन् ।
सन्यासपछि राउतले नयाँ नाम ‘आनन्द मैत्रय’ पाएका छन् । गैरआवासीय नेपाली संघका पूर्वअध्यक्ष भवन भट्ट, पूर्वअभिनेत्री शोभिता सिम्खडाका साथमा राउत सेतो बस्त्र, ओशोको तस्बिर रहेको माला लगाएर ‘ग्रिन टी’ पिउँदै गरेको उनको तस्बिर सार्वजनिक भएको छ ।
सन्यास धारणपछि सार्वजनिक भएको तस्बिरमा उनी निकै आनन्दित देखिएका छन् ।
केही दिनअघि राउतले भोजन गरेपछि भाँडावर्तन सफा गरिहेको तस्बिर बाहिरिएको थियो ।
ताजा अपडेट
-
माथिल्लो अरुणको वित्तिय व्यवस्थापन विश्व बैंकले गर्ने करिब निश्चित
-
सरकारीमा कार्यरत चिकित्सकलाई निजीमा काम नगर्न आग्रह
-
कसरी गर्ने पदयात्राको तयारी ?
-
ग्लोबल आइएमई बैंकको नयाँ एक्सटेन्सन काउन्टर तुल्सीपुरस्थित मालपोत कार्यालयमा
-
धनुषामा मोटरसाइकलको ठक्करबाट पैदलयात्रीको मृत्यु
प्रतिक्रिया