नेपालले गर्‍यो युक्रेनमा भएको आक्रमणको विरोध

सामसङ नेपालको ‘अपग्रेड टु ग्यालेक्सी’ अफर

नेपालले गर्‍यो युक्रेनमा भएको आक्रमणको विरोध

नेपालवाच २०७८ फागुन १२ गते १४:०२

काठमाडौं । नेपालले युक्रेनमाथि रूसले गरेको सैन्य कारबाहीको विरोध गरेको छ । बिहीबार परराष्ट्र मन्त्रालयले एक विज्ञप्ति जारी गर्दै विरोध जनाएको हो ।

कुनै पनि सार्वभौम मुलुकविरुद्ध हुने बल प्रयोगको कडा विरोध गर्ने परराष्ट्र मन्त्रालयले जनाएको छ। ‘नेपाल कुनै पनि सार्वभौम देशको विरुद्ध कुनै पनि परिस्थितिमा गरिने शक्ति प्रयोगविरुद्धमा छ र कूटनीति र संवादको माध्यमबाट विवादको शान्तिपूर्ण समाधानमा विश्वास गर्दछ,’ मन्त्रालयको विज्ञप्तिमा उल्लेख छ ।

मन्त्रालयको विज्ञप्तिमा भनिएको छ, ‘नेपालले सम्बन्धित सबै पक्षलाई अधिकतम संयमता अपनाएर तनाव कम गर्न अपिल गर्न चाहन्छ ।’