काठमाडौं । पछिल्लो २४ घण्टामा ५ हजार५०८ जनामा पिसिआर परीक्षण गर्दा १५१ जना र २ हजार २३५ जनामा एन्टिजेन परीक्षण गर्दा १६७ जना गरी कुल ३१८ जनामा कोरोना संक्रमण पुष्टि भएको छ ।

यससँगै नेपालमा कोरोना संक्रमितको संख्या पिसिआर परीक्षणमात्रै ९ लाख ७६ हजार ५१२ जना पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार आज ५६२जना कोरोनामुक्त भएका छन् । यससँगै नेपालमा हालसम्म कोरोनामुक्त हुनेको संख्या ९ लाख ५४ हजार९०३ जना पुगेको छ ।

आज कोरोनाबाट थप एक जनाको मृत्यु भएसँगै नेपालमा कोरोनाबाट हालसम्म ११ हजार ९३१ जनाले ज्यान गुमाएका छन् ।

मन्त्रालयका अनुसार हाल देशभर कोरोनाका सक्रिय संक्रमितको संख्या ९ हजार ६७८जना रहेका छन् ।