नक्कली प्रमाणपत्र बनाएको आरोपमा सव-इन्जिनियर यादवविरुद्ध मुद्दा दायर
काठमाडाैं । ओखलढुंगा जिल्लाअन्तर्गत खानेपानी तथा सरसफाई डिभिजन न.२ मा कार्यरत सव-इन्जिनियर रामबाबु यादवविरुद्ध अख्तियार दुरुपयोग अनुसन्धान आयोगले आरोप पत्र दायर गरेको छ ।
अख्तियारले उनीविरूद्ध बुधबार विशेष अदालत काठमाडौंमा आरोप पत्र दायरा गरेको हो । अख्तियार अनुसार उनको योग्यताको प्रमाणपत्र नक्कली ठहरिएको कारण आरोप पत्र दायर गरेको जनाएको छ ।
सव-इन्जिनियर यादवविरुद्ध नक्कली प्रमाणपत्र पेश गरी सरकारी सुविधा लिएको आधारमा उजुरी परेको थियो । सोही उजुरीको आधारमा अख्तियारले अनुसन्धान गर्दा सो कागपत्र नक्कली प्रमाणित भएको अख्तियारका प्रवक्ता श्याम प्रसाद भण्डारीले जानकारी दिए ।
अख्तियारका अनुसार उनको धरानस्थित सुनसरी टेक्नोलोजी कलेजबाट उत्तीण भएको सिभिल इन्जिनियरिङको प्रमाणपत्र, लब्धांकपत्र, चारित्रिक प्रमाणपत्र र ट्रान्सक्रिप्ट्स नक्कली पाइएको छ ।
सव-इन्जिनियर यादवविरुद्ध भ्रष्टाचर निवारण ऐन बमोजिम कैद तथा जरिवाना हुन मागदावी लिई आरोप पत्र दायरा गरेको अख्तियारले जनाएको छ ।
ताजा अपडेट
-
पर्वतको कुश्मामा खानेपानीको अभाव, लोडसेडिङ सुरु
-
सोलुखुम्बुमा डढेलोले दश घर जले, दर्जनौँ पशुचौपाया हताहत
-
‘मन्दीले ऋण प्रवाह घट्यो, बैंकले साना-ठूला भनेर भेदभाव गर्दैन’(अन्तर्वार्ता)
-
सुनको मूल्य दुई हजारले बढ्यो, कतिमा हुँदैछ कारोबार ?
-
सूचना-प्रविधि क्षेत्रको विस्तारका निम्ति नवप्रवर्तन कोष स्थापना गर्ने प्रधानमन्त्रीको घोषणा
प्रतिक्रिया