सिट बाँडफाँट कार्यदलको बैठक बस्दै

मासु खाँदा हड्डी अड्किए के गर्ने, के नगर्ने ?

सिट बाँडफाँट कार्यदलको बैठक बस्दै — फाइल तस्बिर ।

नेपालवाच २०७९ साउन २६ गते ७:४५

काठमाडौं । सत्तासाझेदार दलले सिट बाँडफाँटका लागि गठन गरेको कार्यदलको बैठक आज बस्दैछ । साउन २३ गते कार्यदल संयोजक तोक्नमा सीमित बैठक दोस्रोपटक बस्न लागेको हो ।

बैठक दिउँसो २ बजेका लागि तय भएको कार्यदलका एक सदस्यले जानकारी दिए ।

आजको बैठकमा सिट बाँडफाँटको आधार र मापदण्डबारे छलफल गर्ने तयारी छ ।

सत्तासाझेदार दलबीच आगामी प्रदेश र प्रतिनिधिसभा निर्वाचनमा गठबन्धन बनाएर सहभागी हुने सैद्धान्तिक सहमति भइसके पनि सिटबाँडफाँटको आधार र मापदण्डबारे टुंगो लाग्न बाँकी छ ।

कार्यदलले यी विषयमा सहमति जुटाएपछि त्यसलाई शीर्ष तहमा छलफल गरेर कार्यान्वयनमा लैजाने तयारी छ ।