काठमाडाैं । साउदी अरेबियामा सुधारको वकालत र कार्यकर्ताहरूको रिहाइको माग गरेको ट्वीटको कारण एक पीएचडी विद्यार्थीलाई ३४ वर्षको जेल सजाय सुनाइएको छ ।

३४ वर्षीया सलमा अल-शहाबलाई त्यहाँका अदालतले जेल सजाय सुनाइएको हो । अल-शहाब दुई सन्तानकी आमा हुन् र उनी साउदी अरेबियाकी नागरिक हुन्। उनी गत वर्ष यही मुद्दामा पक्राउ परेका थिए ।

मानवअधिकार संगठनहरूले यस मामिलामा सजायले साउदी सरकारको झूटलाई पर्दाफास गरेको बताउँछन् कि देशमा महिलाहरूलाई पहिले भन्दा बढी अधिकार दिइन्छ। देशमा महिलाको अवस्था पहिलेको तुलनामा झन् नाजुक बन्दै गएको यी संस्थाको आरोप छ ।

चरमपन्थी मुद्दाहरूको सुनुवाइ गर्ने न्यायाधिकरणले सलमा अल-शहाबलाई ‘देशको प्रणालीमा खलल पार्ने’ र अफवाह फैलाउने’ लाई समर्थन गरेकोमा दोषी ठहर गरेको छ।

मानवअधिकार संगठनहरूले साउदी अरबमा शान्तिपूर्ण आवाज उठाउने कार्यकर्तालाई अहिलेसम्मकै सबैभन्दा लामो सजाय हुने चेतावनी दिएका छन् । क्राउन प्रिन्स मोहम्मद बिन सलमानको नेतृत्वमा पछिल्लो पाँच वर्षमा यस्ता व्यक्तिहरू विरुद्ध कडा कदम चालिएको छ । (बिबिसी हिन्दी)