कठमाडौं । आर्थिक वर्ष ७८/७९ मा नेपालमा ७२ करोडभन्दा बढी मूल्यको  सुकुमेल आयात भएको छ । भन्सार विभागको तथ्यांकअनुसार एक वर्षमा ७२ करोड ४६ लाख ५६ हजार रुपैयाँको ४ लाख ६७ हजार ३४८ केजी सुकुमेल आयात भएको हो ।

उक्त आर्थिक वर्षमा सो मूल्य बराबरको सुकुमेल आयात गर्दा सरकारले १४ करोड ८४ लाख ९० हजार रुपैयाँ राजश्व संकलन गरेको छ ।

नेपालमा अमेरिकी राष्ट्र ग्वाटेमाला र भारतबाट सुकुमेल आयात हुँदै आएको छ । विभागका अनुसार १२ महिनामा सबैभन्दा बढी ग्वाटेमालाबाट सुकुमेल आयात भएको छ । तथ्यांकअनुसार उक्त देशबाट १२ महिनामा ४६ करोड ४० लाख ७५ हजार रुपैयाँको ३ लाख केजी सुकुमेल आयात भएको छ ।

त्यस्तै छिमेकी मूलुक भारतबाट २६ करोड ५ लाख ८१ हजार रुपैयाँको एक लाख ६७ हजार ३४८ केजी सुकुमेल आयात भएको छ ।