रुसी तेल कम्पनीका मालिकको अस्पतालको छैटौं तलाबाट खसेर मृत्यु
काठमाडौं । रुसको विशाल तेल कम्पनीका मालिकको अस्पतालको झ्यालबाट खसेर निधन भएको छ ।
तेल कम्पनी लूकओइलका अध्यक्ष राभिल म्यागानोभको मस्कोस्थित सेन्ट्रल क्लिनिकल अस्पतालको झ्यालबाट खसेर मृत्यु भएको हो ।
सेन्ट्रल क्लिनिकल त्यस्तो अस्पताल हो जहाँ रुसका राजनीतिक तथा व्यापारिक क्षेत्रका कुलीन वर्गका मानिसहरूले उपचार गर्छन् ।
सोभियत नेता मिखाइल गोर्बाचोफको पनि त्यही अस्पतालमा केही दिनअगाडि निधन भएको थियो ।
बिहीवार बिहान गोर्बाचोफको कफिनमा फूल चढाउन पुटिन त्यहाँ पुगेका थिए।
समाचारहरूमा जनाइएअनुसार, ६७ वर्षीय म्यागानोभ झ्यालबाट खसेर गम्भीर घाइते भएकामा चिकित्सकले उनलाई बचाउन सकेनन् ।
रुसी समाचार संस्था तासले सुरुमा उनी अस्पतालको छैटौं तलाबाट खसेको जनाएको थियो । तर पछि आत्महत्या भएको उल्लेख गरेको छ ।
रुसमा चर्चित व्यापारीहरूको रहस्यमय ढंगले मृत्यु भइरहेको छ । यहीबीच भएको म्यागानोभको मृत्युबारे पनि विभिन्न आशंका गरिएको छ ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया