काठमाडौं । राष्ट्रपति विद्यादेवी भण्डारीले संविधानविपरित नागरिकता विधेयक प्रमाणीकरण नगरेको आरोप लगाउँदै कानुन व्यवसायीले सर्वोच्च अदालतमा मुद्दा दायर गरेका छन् ।

अधिवक्ता सुनीलरन्जन सिंहसहित ६ जना कानुन व्यवसायीले बिहीबार रिट दर्ता गरेको सर्वोच्च प्रशासनले जनाएको छ । राष्ट्रपतिलाई विपक्षी बनाएर दायर भएको रिटमा भण्डारीले संविधानको घोर उलंघन गरेको भन्दै नागरिकता विधेयक प्रमाणीकरण गर्न परमादेश माग गरिएको छ ।संसद्का दुवै सदनले दोस्रोपटक पारित गरेर पठाएको विधेयक राष्ट्रपतिले प्रमाणीकरण नगर्दा बुधबार निष्क्रिय भएको थियो ।

संविधानको धार ११३ मा पहिलोपटक संसदबाट पारित भएको विधेयक आवश्यक सुझावसहित फिर्ता गर्न सक्ने व्यवस्था छ । तर उपधार २ मा दास्रोपटक दुवै सधनबाट पारित भएको विधेयक १५ दिनभित्र प्रमाणीकरण गरी दुवै सधनलाई जानकारी गराउनुपर्ने संवैधानिक बाध्यता छ ।