डेंगु संक्रमितको संख्या २७ हजार नाध्यो, ३६ को मृत्यु

नेपालवाच २०७९ असोज १२ गते १७:०९

काठमाडौं । ७६ जिल्लामा फैलिएको डेंगु संक्रमण साउनयता बुधबारसम्म २७ हजार ५६९ जनामा देखिएको छ । स्वास्थ्य तथा जनसंख्या मन्त्रालयका अनुसार देशभर डेंगु संक्रमणबाट ३६ जनाको मृत्यु भइसकेको छ ।

डेंगुको सबैभन्दा उच्च जोखिममा बागमति प्रदेश रहेको छ । बागमतिमा २१ हजार ५८९ जना डेंगु संक्रमित छन् त्यस्तै, क्रमश प्रदेश १ मा ८१५, मधेसमा ४०५, गण्डकीमा ६५३, लुम्बिनीमा ३ हजार ५०, कर्णालीमा २३६ र सुदुरपश्चिम प्रदेशमा ८२१ जना डेंगु संक्रमित रहेकाे मन्त्रालयले जनाएकाे छ।