काठमाडौं । आगामी मंसिर ४ मा हुने निर्वाचनका लागि दर्ता भएका उम्मेदवारमध्ये बुधबार ३७६ जनाले उम्मेदवारी फिर्ता लिएका छन् ।

प्रतिनिधिसभातर्फ ११९ र प्रदेशसभातर्फ २५७ उम्मेदवारी फिर्ता लिएको निर्वाचन आयोगले जनाएको छ ।

६ हजार ६ जनामध्ये ३७६ जनाले फिर्ता लिएपछि अब पाँच हजार ६३९ उम्मेदवार बाँकी रहेको आयोगका प्रवक्ता शालिग्राम शर्मा पौडेलले जानकारी दिए ।

जसमा प्रतिनिधिसभातर्फ दुई हजार ४१२ तथा प्रदेशसभातर्फ तीन हजार २२४ जना उम्मेदवार रहेका छन् ।

पुरुषको तुलनामा महिला एकदमै थोरैमात्र उम्मेदवार रहेको पाइएको छ ।

प्रतिनिधिसभातर्फ दुई हजार १८७ जना पुरुषल उम्मेदवारी दिएका छन् भने महिलाको संख्या २२५ मात्र छ ।

यस्तै, प्रदेशसभातर्फ पनि अवस्था उस्तै छ । तीन हजार २९४ जना पुरुषले उम्मेदवारी दर्ता गराएका छन् । तर, महिलाको संख्या भने २८० मात्र छ ।

साथै, पुरुष र महिलाबाहेक अन्य एक जनाले पनि उम्मेदवारी दिएको आयोगले जनाएको छ ।