काठमाडौं । प्रमुख सत्तारूढ दल नेपाली कांग्रेसको चुनावी घोषणापत्र आज सार्वजनिक गरिने भएको छ ।

कांग्रेस केन्द्रीय कार्यालयका मुख्य सचिव कृष्णप्रसाद पौडेलले सोमबार बिहान १०ः३० बजे घोषणापत्र सार्वजनिक गर्न लागिएको जनाएका छन् ।

उनका अनुसार, जुममार्फत घोषणापत्र सार्वजनिक गरिँदैछ ।

यसअघि कांग्रेसले आइतबार नै घोषणापत्र सार्वजनिक गर्ने तयारी गरेको थियो । तर केही विषय परिमार्जन गर्नुपर्ने भएपछि सोमबारका लागि तय गरिएको हो ।

कांग्रेस सभापति शेरबहादुर देउवाले पार्टी महामन्त्री गगन थापाको संयोजकत्वमा घोषणापत्र तयारी समिति गठन गरेका थिए । यही समितिले आसन्न निर्वाचनका लागि पार्टीको घोषणापत्र तयार पारेको हो ।