काठमाडौं । टी २० विश्वकपको सुपर १२ मा बंगलादेशविरुद्ध १४५ रनको लक्ष्य पछ्याएको नेदरल्याण्डसले कमजोर सुरुवात गरेको छ । खेलको पहिलो र दोस्रो बलमै विकट गुमाएको डच टोलीले १५ रन हुँदा चार विकेट गुमाएको हो ।

३.२ र ३.४ ओभरमा डच टोलीले रनआउटमा दुई विकेट गुमाएको हो ।

विक्रमजित सिंह र बास दे लिडे र टिम कुपर शून्य रनमा आउट भए । कुपर एक बल पनि नखेली आउट भएका हुन् । म्याक्स ओ डाउडले ८ रन बनाए ।

यस अघि बंगलादेशका लागि आफिफ हुसेनले ३८, नजमुल हुसेनले २५, मोसादिक हुसेनले २० र सौम्य सरकारले १४ रन बनाए ।
सकिव अल हसनले ७ रन मात्रै बनाए ।

बलिङतर्फ पल भान र भास डे लिडेले दुईदुई विकेट लिए ।

ग्रुप बीमा अघिल्लो दिन भारतले रोमाञ्चक खेलमा पाकिस्तानलाई अन्तिम बलमा ४ विकेटले पराजित गरेको थियो ।

६/६ टिम रहेका दुवै समूहका शीर्ष दुईदुई टोली सोझै सेमिफाइनलमा पुग्नेछन् । यसैले सबै खेल उत्तिकै महत्वपूर्ण हुनेछन् ।