काठमाडौं । हामी लसुन वर्षौंदेखि खानामा प्रयोग गर्दै आइरहेका छौं । आयुर्वेदमा यसलाई औषधीको रुपमा लिइन्छ । यसमा भिटामिन बी–६, भिटामिन–सी, फाइबर, प्रोटिन र म्यांगनीज जस्ता पोषक तत्वहरू पाइन्छ ।

जसले रगत सफा गर्नुका साथै पाचन प्रक्रिया सुधार गर्दछ । लसुनमा एलिसिन र सेलेनियम प्रचुर मात्रामा पाइन्छ । एलिसिनले मृगौलाको समस्या, रक्तचाप र तनाव कम गर्न मद्दत गर्छ। त्यसैले मृगौला रोगीहरका लागि पनि लसुनको सेवन फाइदाजनक छ ।

त्यस्तै लसुनले रोग प्रतिरोधात्मक क्षमता बढाउँछ । यसले कोलेस्ट्रोल र एलडीएल स्तरलाई १० देखि १५ प्रतिशतसम्म कम गर्छ । खानामा अरूची छ भने पनि यसकाे सेवनले खाना रूचाउँछ ।