काठमाडौं । टी २० विश्वकपको सेमिफाइनलमा भारतले इंग्ल्यान्डविरुद्ध शर्मनाक पराजय बेहारेको छ ।

पहिले ब्याटिङमा उत्रिएको भारतले इंग्ल्यान्डलाई १६९ रनको चुनौतीपूर्ण लक्ष्य दिएको थियो । तर इंग्ल्यान्डले कुनै पनि विकेट नगुमाई यो लक्ष्य पार गर्दै भारतलाई १० विकेटकाे शर्मनाक हार चखाएको हो ।

जितसँगै इंग्ल्यान्ड फाइनलमा प्रवेश गरेको छ । फाइनलमा पाकिस्तान र इंग्ल्यान्ड भिड्नेछन् । एलेक्स हेल्स र जोस बटलरले इंग्ल्याण्डलाई भारतविरुद्ध सनसनीपूर्ण सानदार जित दिलाएका हुन् ।

दुवैले शानदार अर्धशतकीय पारी खेले ।

हेल्सले ४७ बलमा ८६ र बटलरले ४९ बलमा ८० रनको नटआउट पारी खेले ।

चार ओभर बाँकी हुँदै इंग्ल्यान्डले १७० रन बनाउँदै शानदार जित दर्ता गरेको हो ।

भारतका लागि विराट काेहलीले ५० र हार्दिक पाण्ड्याले ६३ रन बनाएका थिए ।

भारतीय बलरले एक विकेट पनि लिन सकेनन् ।

भुवनेश्वरले २ ओभरमा २५ रन, अर्शदीप सिंहले २ ओभरमा १५ रन, अक्षर पटेलले ४ ओभरमा ३० रन, मोहम्मद सामीले ३ ओभरमा ३९ रन, रविचन्दन आश्विनले २ ओभरमा २७ रन, हार्दिक पाण्ड्याले ३ ओभरमा ३४ रन दिए । तर कुनै पनि बलरले एक विकेट पनि लिन सकेनन् ।