काठमाडाैं । नेपाल लाइफ इन्स्योरेन्स लिमिटेडले चालु आर्थिक वर्ष ७९/८० को पहिलो त्रैमासिक वित्तिय विवरण सार्वजनिक गरेको छ ।

वित्तिय विवरणअनुसार नेपाल लाइफले पहिलो तीन महिनामामा १७ करोड ५७ लाख खुद मुनाफा कमाएको छ । जुन रकम गत आर्थिक वर्षको सोही अवधिको तुलनामा २३९८.२२ प्रतिशले वृद्धि हो । गत आर्थिक वर्षको सोही अवधिमा कम्पनीले ७० लाख ३३ हजार मुनाफा कमाएको थियो ।

कम्पनीले पहिलो त्रैमासमा १० अर्ब ५ करोड ३ लाख बीमाशुल्क आर्जन गरेको छ । जुन गत वर्षको सोही अवधिको तुलनामा १.४३ प्रतिशतले वृद्धि भएको हो । गत वर्षको सोही अवधिमा कम्पनीको बीमा शुल्क ९ अर्ब ९० करोड ९० लाख थियो ।

पहिलो तीन महिनामा कम्पनीको चुक्ता पूँजी १४ प्रतिशतले बढेको छ । असोज मसान्तसम्ममा कम्पनीको चुक्तापुँजी ८ अर्ब ३० करोड ७९ लाख पुगेको छ । गत आर्थिक वर्षको सोही अवधिमा कम्पनीको चुक्तापुँजी ७ अर्ब १९ करोड ९९ लाख थियो ।

कम्पनीको जगेडा कोषमा १ अर्ब ९९ करोड १८ लाख पुगेको छ । जुन गत आर्थिक वर्षको सोही अवधिको तुलानमा १२९.४ प्रतिशतले वृद्दि हो । गत आर्थिक वर्षको सोही अवधिमा कम्पनीको जगेडा कोषमा ८६ करोड ९६ लाख थियो ।

कम्पनीको जीवन बीमा कोषमा १ खर्ब ४२ अर्ब ८ करोड ६२ लाख रुपैयाँ रहेको छ । गत आर्थिक वर्षको सोही अवधिमा कम्पनीको जीवन बीमा कोषमा १ खर्ब १८ अर्ब ७५ करोड ९४ लाख थियो ।

कम्पनीको प्रति शेयर आम्दानी ८ दशमलव ५६ रुपैयाँ रहको छ । त्यस्तै प्रति शेयर नेट्वर्थ १३४ रुपैयाँ ३९ पैसा छ ।

पहिलो त्रैमासमा कम्पनीले ३ अर्ब ९६ करोड कुल दावी भुक्तानी गरेको छ । कम्पनीले  १ अर्ब ३२ करोड दावी भुक्तानी गर्न बाँकी छ ।