झापा । जबरजस्ती करणी र डाँका मुद्दाका फरार एक अपराधीलाई झापा प्रहरीले पक्राउ गरेको छ । पक्राउ पर्नेमा कन्काई नगरपालिका(४ बस्ने ७७ वर्षीय धनपति ढुङगानालाई सोमबार झापा प्रहरीले पक्राउ गरेको हो ।
जिल्ला अदालत झापाको २०६७ पुस १३ गतेको फैसलाले जबरजस्ती करणी र डाँका मुद्दामा ६ वर्ष कैद र ७५ हजार रूपैयाँ जरिवाना सजाय ठहर गरेको थियो । फरार रहेका उनलाई जिल्ला प्रहरी कार्यालय झापाबाट खटिएको प्रहरीले पक्राउ गरेको हो ।
उनलाई फैसला कार्यान्वयनको लागि जिल्ला अदालत झापा चन्द्रगढीमा उपस्थित गराइएको छ भने अदालतको आदेशले प्रहरी कैद भुक्तानको लागि कारागार कार्यालय भद्रपुर पठाइएको छ ।