झापा । काँग्रेस महामन्त्री विश्वप्रकाश शर्माले काँग्रेसकै नेतृत्वमा सरकार बन्ने बताएका छन् ।

झापाको दमकमा आयोजित कार्यक्रममा उनले निर्वाचन परिणाममा पहिलो शक्ति बनेकाले काँग्रेसकै नेतृत्वमा सरकार बन्ने बताए । तर अब प्रधानमन्त्रीमा पार्टी सभापति शेरबहादुर देउवाले विकल्प दिनुपर्ने उनको भनाइ छ ।

पार्र्टीका अर्का महामन्त्री गगन थापालाई संसदीय दलको नेता र प्रधानमन्त्रीमा प्रस्ताव गर्ने आफ्नो योजना रहेको र त्यसमा प्रतिबद्ध रहेको उनले स्पष्ट पारे ।

राजनीतिक परिवर्तनको एजेन्डा सकिएकाले अब मुलुकलाई रुपान्तरण गरेर अघि बढ्नुपर्ने नेता शर्माको धारणा छ ।

झापा १ बाट प्रतिनिधिसभा सदस्यमा निर्वाचित शर्मा केही दिनदेखि गृहजिल्ला झापामा विभिन्न कार्यक्रममा सहभागी हुँदै आएका छन् ।