बुटवल । लुम्बिनी प्रदेशको अस्थायी मुकाम बुटवलबाट सार्ने प्रदेश सरकारको निर्णय तत्काल रोक्न नेकपा एमाले रुपन्देहीले माग गरेको छ ।

एक विज्ञप्ति जारी गर्दै काम चलाउ सरकारले सस्तो लोकप्रियताको लागि मन्त्रालय सार्न गरेको हतारो तत्काल रोक्न भनेको छ ।

राजधानी तोकिएको स्थानमा कुनै भौतिक पुर्वाधार नभएको भन्दै जवरजस्ती लैजान खोज्नु गलत कदम भएको विज्ञप्तीमा उल्लेख गरेको छ ।

त्यस्तै बुटवलबाट हतारमा राजधानी सार्ने काम प्रदेश सरकारको निर्णय र सक्रियता प्रति पनि नेकपा एमाले रुपन्देहीको ध्यानाकर्षण भएको विज्ञप्तीमा उल्लेख छ ।

तत्कालको लोकप्रियताको लागि उत्त कार्य गरेको भन्दै रुपन्देही एमालेले नयाँ सरकार र संसदको अधिकार क्षेत्रमा हस्तक्षेप नर्गन विज्ञप्तीमा जोडदार माग गरेको छ ।