काठमाडाैं । नेपालमा पछिल्लो २४ घटामा देशभर ११२ जना कोरोना भाइरसका संक्रमित थपिएका छन् । ६ हजार ८०१ जनाको पिसिआर विधिबाट परीक्षण गर्दा ७७ तथा २ हजार ५२७ एन्टिजेन विधिबाट ३५ जना गरी ११२ जनामा संक्रमण पुष्टि भएको हो ।

यससँगै नेपालमा कुल कोरोना संक्रमितको संख्या ९ लाख ७७ हजार ७८६ जना पुगेको छ । त्यस्तै एन्टिजेन विधिबाट कुल १ लाख ३९ हजार ८७८ जना पुगेको छ । स्वास्थ्य तथा जनसंख्या मन्त्रालयका अनुसार यही अवधिमा थप ४२९ जना संक्रमणमुक्त भएका छन् । यससँगै नेपालमा हालसम्म कोरोनामुक्त हुनेको संख्या ९ लाख ६० हजार ४९७ जना रहेका छन् ।

बिहीबार कोरोनाको संक्रमणबाट कसैको पनि मृत्यु भएको छैन । बुधबार पनि कोरोनाबाट कसैको ज्यान गएको थिएन । नेपालमा हालसम्म कोरोनाबाट ज्यान गुमाउनेको संख्या ११ हजार ९४९ जना पुगेको छ ।

देशभर सक्रिय संक्रमितको संख्या ५ हजार ३४० जना छन् । त्यस्तै १०६ जना क्वारेन्टिनमा छन् ।