काठमाडाैं । चालु आर्थिक वर्षको सात महिनामा देश भित्रिनेभन्दा बाहिरिने रकमको अन्तर शोधनान्तर घाटा २ खर्ब ४७ अर्बमा पुगेको छ । अघिल्लो वर्षको सोही अवधिमा शोधान्तर स्थिति ९७ अर्ब ३६ करोडको बचतमा थियो ।

नेपाल राष्ट्र बैंकले सार्वजनिक गरेको चालु आवको ७ महिनाको तथ्यांक अनुसार समिक्षा अवधिमा चालु खाता ४ खर्ब १३ अर्ब ८६ करोडले घाटामा छ ।अघिल्लो वर्षको सोही अवधिमा चालु खाता १ खर्ब ४ अर्ब ३९ करोडले घाटामा थियो ।

पुस मसान्तसम्म भने शोधान्तर  घाटा २ खर्ब ४३ अर्ब रुपैयाँ घाटामा थियो । अमेरिकी डलरमा अघिल्लो वर्षको सोही अवधिमा ८९ करोड २१ लाखले घाटामा रहेको चालु खाता समीक्षा अवधिमा ३ अर्ब ४७ करोडले घाटामा छ ।

समीक्षा अवधिमा पुँजीगत ट्रान्सफर १९.४ प्रतिशतले कमी आई ६ अर्ब ३१ करोड रुपैयाँ कायम भएको छ भने खुद प्रत्यक्ष वैदेशिक लगानी ८०.६ प्रतिशतले वृद्धि भइ १६ खर्ब २९ करोड पुगेको छ ।

अघिल्लो वर्षको सोही अवधिमा पुँजीगत ट्रान्सफर ७ अर्ब ८३ करोड रूपैयाँ थियो । त्यस्तै प्रत्यक्ष वैदेशिक लगानी ९ खर्ब २ करोड रहेको थियो ।