काठमाडौं । नेपाली अभिनेत्री स्वस्तिमा खड्काले नृत्य गरेको दक्षिण भारतीय चलचित्र ’थिरीमाली’को आइटम गीतले सार्वजनिक भएको २४ घण्टा नबित्दै सात लाखभन्दा बढी भ्युअर्स पाएको छ ।

मूल रूपमा मलयालम भाषामा बनेको यो चलचित्रको ‘रंग बिरंगी’ आइटम गीत युट्युबमा शनिबार सार्वजनिक भएको थियो ।

सार्वजनिक भएको २२ घण्टामा सो गीतले सात दाख ५८ हजारभन्दा बढी भ्युअर्स पाएको छ ।

यो गीत नेपालको ट्रेन्डिङमा चौथो नम्बरमा छ ।

तीन मिनेट ५३ सेकेन्डको गीत ’सायना मुभिज’ को युट्युब च्यानलमा हेर्न सकिन्छ ।

आइटम डान्समा स्वस्तिमा मुख्य भूमिकामा देखिएकी छिन् । उनी भारतीय आइटम गीतको शैलीमा नाचेकी छिन् ।

तीन मिनेट ५३ सेकेन्डको गीत ’सायना मुभिज’ को युट्युब च्यानलमार्फत सार्वजनिक गरिएको हो ।

गीतमा सुनिधि चौहानको स्वर दिएकी छिन् ।

चलचित्र ’थिरीमाली’ मलयालमसँगै हिन्दी, तेलेगू र तामिल भाषामा पनि सार्वजनिक हुने बताइएको छ ।

यो चलचित्रको निर्देशन राजीव शेट्टीले गरेका छन् भने निर्माण एसके लरेन्सले गरेका हुन् ।