काठमाडौं । आयोजक क्यामरुन अफ्रिका कप अफ नेसन्सको सेमिफाइनमा पुगेको छ ।

गाम्बियालाई २-० गोल अन्तरले पराजित गर्दै क्यामरुन सेमिफाइनलमा पुगेको हो । क्यामरुनका लागि टोको इकाम्बीले खेलको ५० औं र ५७ औं मिनेटमा गोल गरेका थिए ।

त्यस्तै बुर्किनाफासोले ट्युनिसियालाई १-० गोल अन्तरले पराजित गर्दै सेमिफाइनलमा पुगेको छ ।

अर्को सेमिफाइनल प्रवेशका लागि इजिप्ट र मोरक्को, सेनेगल र इक्वेटेरियल गुयनाबीच प्रतिस्पर्धा हुँदैछ ।