पुष्कर खड्का(रामेछाप) – रामेछाप जिल्लामा आज थप १२ जनामा कोरोना भाइरस (कोभिड–१९) को संक्रमण पुष्टि भएको छ । यो सँगै जिल्लामा कोरोना सक्रिय सङ्क्रमितको सङ्ख्या २ सय १७ जना पुगेको छ ।

स्वास्थ्य कार्यालय रामेछापले दिएको जानकारी अनुसार आइतबार जिल्लाका विभिन्न पालिकाका गरी २१७ जनामा कोरोना पुष्टि भएको हाे ।

२६ जनाको एन्टिजेन परीक्षण गर्दा १२ जनामा कोरोना सङ्क्रमण पुष्टि भएको स्वास्थ्य कार्यालय रामेछापका जनस्वास्थ्य अधिकृत भुवन थापाले बताए ।

उनका अनुसार अहिले मन्थली नगर ५२, रामेछाप नगरपालिकामा ४६, उमाकुण्ड गाउँपालिकामा १६, खाँडादेवी गाउँपालिकामा २३, गोकुलगङ्गा गाउँपालिकामा १७, लिखुतामाकोसी गाउँपालिकामा १९, दोरम्बा सैलुङ गाउँपालिकामा ५ र सुनापति गाउँपालिकामा १३ जना गरी १९४ जना सक्रिय सङ्क्रमित होम आइसोलेशनमा छन् ।

त्यस्तै जिल्ला अस्पतालमा १३, उमाकुण्ड गाउँपालिकामा २ र लिखुतामाकोसी गाउँपालिकामा ७ जना र सुनापति गाउँपालिकामा १ जना गरी २३ जना सक्रिय सङ्क्रमित संस्थागत आइसोलेशनमा रहेको स्वास्थ्य कार्यालय रामेछापले जानकारी दिएको छ ।

त्यस्तै, जिल्लामा थप २७ जना संक्रमण मुक्त भएका छन् । यो सँगै जिल्लामा कोरोना सङ्क्रमणमुक्त हुनेको सङ्ख्या १ सय २६ जना पुगेको छ।

स्वास्थ्य कार्यालय रामेछापले दिएको जानकारी अनुसार जिल्लामा आइतबार मन्थली नगरपालिकाबाट ९, रामेछाप नगरपालिकाबाट ४, उमाकुण्ड गाउँपालिकाबाट ३, गोकुलगंगा गाउँपालिकाबाट ३, लिखुतामाकोसी गाउँपालिकाबाट ६ र सुनापति गाउँपालिकाबाट २ जना गरी २७ जना कोरोना सङ्क्रमणमुक्त भएका हुन् ।