काठमाडौं । दोस्रो बजारमा सूचीकृत निर्जीवन बीमा कम्पनीहरूमध्ये अहिलेसम्म पाँचवटा कम्पनीहरूले आर्थिक वर्ष २०७७/७८ को मुनाफाबाट लाभांश घोषणा गरेका छन् ।

ती कम्पनीहरूमा प्रिमियर इन्स्योरेन्स, नेको इन्स्योरेन्स, एनएलजी इन्स्यारेन्स, प्रभु इन्स्यारेन्स र हिमालयन जनरल इन्स्यारेन्स रहेका छन् ।
लाभांश घोषणा गरेका कम्पनीहरुलाई हेर्दा अघिल्लो वर्षको भन्दा यो वर्ष बढेको देखिन्छ ।

प्रिमियर इन्स्योरेन्स कम्पनीले अघिल्लो वर्ष ११.०५ प्रतिशत लाभांश दिएकोमा यस वर्ष १५ प्रतिशत दिएको छ ।

नेको इन्स्योरेन्स कम्पनीले अघिल्लो वर्ष १६.३२ प्रतिशत दिएकोमा यो वर्ष पनि १५ प्रतिशत बोनश शेयर दिने भएको छ ।

एनएलजीले गत वर्षकै जति लाभांश दिने भएको छ । एनएलजीले गतवर्ष १०.५२५२ प्रतिशत दिएको थियो । प्रभुले गत वर्ष १०.५३ प्रतिशत दिएकोमा यो वर्ष ११.५८ प्रतिशत दिने भएको हो ।

हिमालयन जनरलले ७ प्रतिशत लाभांश दिने भएको छ । उक्त कम्पनीले गत वर्ष ६.७५ प्रतिशत लाभांश दिएको थियो ।