काठमाडौं । अफ्रिका कप अफ नेसन्स फुटबलको सेमिफाइनल समीकरण पूरा भएको छ । गएराति भएको अन्तिम क्वार्टरफाइनल खेलमा इजिप्टले मोरक्कोलाई २–१ गोलअन्तरले हराएसँगै सेमिफाइनल समीकरण पूरा भएको हो ।

अब फाइनल प्रवेशका लागि साडियो मानेको सेनेगलले बुर्किना फासोको सामना गर्नेछ । यो खेल फेब्रअरी २ मा हुनेछ ।

यस्तै, दोस्रो सेमिफाइल खेलमा मोहम्मद सलाहको इजिप्टले आयोजक क्यामरुनको सामना गर्नेछ । यो खेल फ्रेब्रअरी ३ मा हुनेछ ।

फाइनल भने फ्रेब्रअरी ६ मा हुने छ । सोही दिन फाइनलअघि सेमिफाइनलमा पराजित दुई टोलीबीच तेस्रो स्थानका लागि प्रतिस्पर्धा हुनेछ ।