लगातार ओरालो लागेको सुनको मूल्य आज बढ्यो, चाँदीको स्थिर
काठमाडौं । लगातार ओरालो लागेको सुनको मूल्य आज बढेको छ । नेपाल सुनचाँदी व्यवसायी महासंघका अनुसार सुनको मूल्य तोलामा एक सय रुपैयाँ बढेको हो ।
सोमबार सुनको मूल्य तोलामा ४ सय रुपैयाँ घटेर ९१ हजार ८ सय रुपैयाँमा कारोबार भएको थियो ।
महासंघका अनुसार आज छापावाल सुन प्रतितोला ९१ हजार ९ सय रुपैयाँमा कारोबार भईरहेको छ । त्यस्तै आज तेजावी सुन तोलामा ९१ हजार ४ सय रुपैयाँमा कारोबार भईरहेको छ ।
आज चाँदीको भाउ स्थिर रहेको छ । सोमबार तोलामो १ हजार २४० रुपैयाँ कायम भएकामा आज पनि सोही मूल्यमा कारोबार भईरहको हो ।
प्रतिक्रिया