काठमाडौं । सुपरस्टार खेलाडी लियोनल मेसीले खेल्नका बाबजुद साविक विजेता पेरिस सेन्ट जर्मेन (पिएसजी) फ्रेन्च कप फुटबलको अन्तिम १६ बाटै बाहिरिएको छ ।

गएराति भएको खेलमा पिएसजी घरेलु मैदानमा निससँग पेनाल्टी सुटआउटमा ६–५ गोल अन्तरले पराजित हुँदै बाहिरिएको हो ।

निर्धारित समय गोलरहित बराबरीमा सकिएपछि खेल पेनाल्टी सुटआउटमा गएको थियो । तर सुटआउटमा तर, लियड्रो पराडेस र जाभी सिमोन्स चुकेपछि पिएसजी पराजित हुन पुग्यो ।

यद्यपि, पेनाल्टीमा पिएसजीका तर्फबाट मेसी, केलियन एमबाप्पे, जुलियन ड्राक्लर, मार्को भेराट्टी र जुवान बेर्नाटले गोल गरेका थिए ।

निसको जितमा मोर्गन, जिन क्लेयर, युसेफ अटल, एमिनी गोउइरी, इभान्स र डान्टेले गोल गरे । एन्डी डेलोर्टले भने गोल गर्न सकेनन् ।

पिएसजीले मेसीसँगै मार्को भेराट्टी, एमबाप्पेजस्ता खेलाडी मैदानमा उतारे पनि जित निकाल्न सकेन ।

अब निसले क्वार्टरफाइनलमा मार्सेको सामना गर्नेछ ।