काठमाडौं । पछिल्लो २४ घण्टाको अवधिमा नेपालमा ५ हजार ५ सय ८३ जना कोरोना भाइरसका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार १६ हजार ६ सय ७४ जनाको परीक्षण गरिएकोमा उक्त संख्यामा संक्रमित थपिएका हुन् ।

१० हजार ७७६ जनाको पिसिआर परीक्षण गरिएको थियो भने ६ हजार ८९८ जनाको एन्टीजेन परीक्षण गरिएको मन्त्रालयले जनाएको छ ।

यस्तै, पछिल्लो केहीदिनयता कोरोना संक्रमितको निको हुने दर पनि बढेको छ । मन्त्रालयका अनुसार पछिल्लो २४ घण्टाको अवधिमा ८ हजार २ सय ६७ जना निको भएका छन् ।

यस्तै, सोही अवधिमा ९ जनाको कोरोना भाइरसको संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ ।

हाल देशभर सक्रिय संक्रमितको संख्या भने ७४ हजार ६ सय ५३ रहेको छ । यो संख्या सोमबारको तुलनामा करिब पाँच हजारले कम हो ।