काठमाडौं । काठमाडौं महानगरपालिका वडा नं १४ का वडासदस्यले सेवाग्रहीसँग घुस लिएको आरोपमा अख्तियार दुरूपयोग अनुसन्धान आयोगले विशेष अदालतमा मुद्दा दायर गरेको छ ।

वडासदस्य महर्जनले जग्गाको मोहियानी हक नामसारी र नाता प्रमाणित गरी मोही प्रमाण–पत्र र मालतपोत तथा भूमि व्यवस्था कार्यालय काठमाडौंलाई सिफारिस दिनका लागि दुई लाख रूपैयाँ घुस लिएको आरोप छ ।

सोही सूचनाको आधारमा अनुसन्धानमा खटिएको आयोगको टोलीले महर्जनलाई नियन्त्रणमा लिएको हो । उनले सेवाग्राहीको नाता प्रमाणित र जग्गाको मोही नामसारी सिफारिस गरिदिन्छु भन्दै दुई लाख रूपैयाँ घुस लिएको आयोगको अनुसन्धानबाट पुष्टि भएको छ ।

महर्जनमाथि उक्त रकम बिगो मागदाबी गरी बिहिबार विशेष अदालत काठमाडौंमा मुद्दा दायर गरिएको हाे ।