काठमाडौं । यतिबेला भारतको सामाजिक सञ्जाल बलिउड सुरपस्टार शाहरुख खानको विषयलाई लिएर विभाजित भएको छ ।

आइतबार निधन भएकी चर्चित गायिका लता मंगेशकरलाई अन्तिम श्रद्धाञ्जलि दिने क्रममा शाहरुखले गरेको व्यवहारलाई लिएर सामाजिक सञ्जाल विभाजित भएको हो ।

लतालाई श्रद्धाञ्जलि दिन मुम्बईको शिलाजीमा उपस्थित भएका शाहरुखले थुकेको भिडियो अहिले सामाजिक सञ्जालमा भाइरल भएको छ । ज्यहाँ शाहरुखले मास्क खोलेर थुकेको देख्न सकिन्छ ।

अधिकांश सामाजिक सञ्जाल प्रयोगकर्ताले शाहरुखले लताको लासमाथि थुकेको भन्दै आक्रोश व्यक्त गरिहेका छन् । यद्यपि, भिडियोमा शाहरुखले कहाँ थुके भन्ने चाहिँ प्रश्ट देखिएको छैन ।

यस्तै, कतिपयले भने शाहरुखले थुकेको नभएर फुकेको भन्दै उनको बचाउ गरिहेका छन् ।

शाहरुखको पक्ष–विपक्षमा भारतीय नेताहरूसमेत लागेका छन् ।