NepalWatch

News Portal For Eeverything In Nepal from Nepal

२०८१ साउन ८ गते

पाँच इन्जिनियर नियुक्तिपत्र बुझ्न आएनन्

काठमाडौं । नेपाल विद्युत् प्राधिकरणको स्थायी सेवाअन्तर्गतको इन्जिनियर पदमा नाम निकाल्न सफल पाँच इन्जिनियर निरन्तरको ताकेताबीच नियुक्तिपत्र बुझ्न नआएको पाइएको छ ।

प्राधिकरणको तह ७ मा नाम निकाल्न सफल प्रतीक्षा अधिकारी, सुधा सापकोटा, आरती बिष्ट, ऋतुरत्नम र रवि आचार्य नियुक्तिपत्र बुझ्न नआएका हुन् ।

उनीहरूलाई नियुक्तिपत्र बुझ्नका लागि प्राधिकरणले १५ दिनको अल्टिमेटम दिएको छ ।

प्राधिकरण कर्मचारी सेवा, सर्त विनियमावली २०७५ (संशोधित) मा तोकिएको अवधिभित्र नियुक्ति पत्र लिन नआएकाले सोही विनियमावलीको विनियम ३३ (२) बमोजिम सूचना प्रकाशित गरिएको प्राधिकरणले जनाएको छ ।